Si  Aling Rosa ay isang balo siya ay may sampung taong gulang na anak na babae at ito ay si pinang. Mahal na Mahal ni Aling Rosa ang kanyang anak. Nais niyang lumaking bihasa sa gawaing bahay ang anak. Tinuturuan niya si pinang sa mga gawaing-bahay. 

Dahil sa nag-iisang anak, ayaw gumawa ni pinang  ng gwaing-bahay, lagi niyang ikinakatwiran na alam na niyang gawin ang anumang itinuturo ng kanyang ina. Pinabayaan lang siya ng kanyang ina.

Isang araw ay nagkasakit si Aling Rosa. Hindi siya makabangon at makagawa sa bahay. Napilitan si Pinang na gumawa ng gawaing-bahay.

Inutusan siya ng kanyang ina na magluto siya ng lugaw. Kumuha si pinang ng ilang dakot na bigas, inilagay sa palayok at hinaluan ng tubig.

Isinalang niya ito sa ibabaw ng apoy. Iniwan niya ang niluluto at naglaro at ng dahil sa kapabayaan, ang ilalim ng bahagi ng lugaw ay namuo at dumikit sa palayok. Nagpasensiya na lang si Aling Rosa kahit papaano nga naman ay napagsilbihan siya ni pinang.

Nanatili sa higaan ang matandang babae ng ilang araw pa. Si Pinang ang napilitang gumawa ng mga gawaing-bahay. Isang araw, sa paghahanda ng pagluluto, hindi makita ni pinang ang sandok.

Lumapit siya sa ina at nagtanong. Nasuya na ang ina sa katatanong ni pinang. " Naku, pinang sana'y magkaroon ka ng maraming mata upang lahat ng bagay ay makita mo at hindi ka tanong nang tanong!"